قصيد

سلطان الهاجري

albdo — Sun, 11 Jan 2009 21:16:47 +0000

سلطان الهاجري – شاعر الوزن الثقيل

الليـالـي مشاكلـهـا عــراض طـوالــي

للنفـوس الشقـيـه والنـفـوس السعـيـده

غـاره مـن يميـن وغـاره مـن شمالـي

توهمـك بالـهـدوء وعاصفتـهـا شـديـده

ياوجودي علي الراحه وياوجـد حالـي

لـيـت مـالـي مــع الشـعـار ولانشـيـده

هـب ياهالزمـان اللـي غزانـي لحالـي

كل يـوم علـي الهاتـف يجينـي قصيـده

ذي معاتب حبيب وذي مشاريـه غالـي

وذي تحفض من السكر وهاذي تزيـده

والعرب علمهم بي يوم صدري شمالي

والليالـي مقـفـت بــه لايمـكـن تعـيـده

روحـت مـع مهـب الـريـح ياهمـلالـي

ماحـد جـت لـه الدنيـا عـلـي مايـريـده

والتجـارب عطتـنـا مـيـزه الاحتمـالـي

ودرستـنـا مشـاويـر الحـيـاه البـعـيـده

ان مـابـه حـيـاه الا وراهـــا زوالـــي

والبـنـادم بهالـدنـيـا شـبـوحـه بـعـيـده

ميـر ماهيـب لامكسـب ولاراس مالـي

كود من حط قوله والنعـم فـي رصيـده

وطاب عند البعيد وطاب عند الموالـي

وله نصيب الاسد من الخصال الحميده

وان تثنـت عـزوم مشوربيـن العيـالـي

عزمه اقوي من ظروف الحياه العنيده

يرتـكـي بالمنـاكـب للحـمـول الثقـالـي

والطفر في راسه المطنوخ والا وريده

خل فعل الجـدود وخـل فعـل الخوالـي

نـدري انـك ولدهـم والعـلاقـه وطـيـده

وندري ان فعلهم يستر بنـات الحلالـي

حتي لو جـدك اكحيـلان وانتـه حفيـده

اما حث القدم واطلع علي راس عالـي

والا خلك كذا وان مت ما انـت بفقيـده

لاجل الغلا نطـوي البيـدا ونقطعهـا

مشـاعـر الـحـب لاعـنـت تعنييـنـي

لاقلت لبيه من ثغرك وانـا اسمعهـا

نسيـت بعـد المسافـه بينـك وبيـنـي

ياعشقـه الـروح ياخيـره مطامعهـا

شوفتـك عـن باقـي الدنيـا تكفيـنـي

محبتـك مـن ثـلاث سنيـن زارعهـا

في شهرسبعه سنة خمسه وتسعيني

وداعـه منـك وانـت اللـي مودعهـا

تجـري مـع دم قلبـي فـي شرايينـي

وانتـه وداعتـك روحـي لاتضيعـهـا

ضيـاع ياسـر عـرفـات لفلسطيـنـي

تولـعـت والله الـلـي فـيـك ولـعـهـا

والقلب عاشقك قبل تشوفك العينـي

النفـس تامـر وانـا مـانـي بطايعـهـا

الله عـن النقـد والمنـقـود يحميـنـي

لو ان كبدي هجيـر الشـوق لايعهـا

امــر عطـشـان والشيـمـه تعديـنـي

ام الدلـع فــي ذرى شـيـخ مدلعـهـا

زيزوم قوم علـي الشـدات قاسينـي

شيـخ ليـا كـبـرت القـالـه يسنعـهـا

ماهـي بشيخـة خـتـم والا ملاييـنـي

عشقـت غيـدا سمحتنـي عـن الغـيـد

أقـــول والا بـــس مـانـيـب قــايــل

ميت ضمـا والعـد صعـب المواريـد

وبذلـت مـن شانـه جميـع الوسـايـل

والشربه اللي من حيـاض الأجاويـد

تقطع ضما هـدف الضلـوع النحايـل

يانووووف جيتك من ورا نازح البيد

بـالــراس مايـحـتـاج رد الـرسـايـل

وأن كان ماضمدتي الجـرح تضميـد

تحمـلـي شـرهـة عـيــال الحـمـايـل

أنـا دخيـل الصـدر والثغـر والجـيـد

أرخـي علـي شـلال شقـر الجـدايـل

هــذي تكفيـنـي مــن العـيـد للـعـيـد

وأنـا علـي يـانـوووف رد الجمـايـل

أحظنـك بأشواقـي مـن الإيـد لـلإيـد

وشعرك علـى هـاك المبيسـم تمايـل

يـاقـوم يامبـسـم نـجـاح المسـاعـيـد

أنتـي مثـل تضـرب علـيـه المثـايـل

حبـي وحبـك حـب عليـا وأبـو زيـد

والا مـثـل حـــب الطـنـايـا لـحـايـل

انا يازمانـي فـي فـوادي ثـلاث اطعـون

ولاهي بطعنـه مـن سيـوف اوسكاكينـي

من افتح ياسمسم والايافلـم ابـو كرتـون

امـورن تغـث اكبـود حتـى الوراعيـنـي

وجمهوري الغالي يسوق الشره ويمـون

ونـا قـد شرهـات العتـب مــن محبيـنـي

يقولون ماشاركـت وقـول انـت توحـون

ابـي كـل واحـد يفـتـح اذنــه ويوحيـنـي

لابالله ماشـاركـت فــي شاعرالملـيـون

لوانـي علـى المليـون تومـي شراييـنـي

ولـكــن انـامـانـي بـخـبـل ولامـجـنـون

اجــي وقـطـع ارزاق العبادالمساكيـنـي

الاياحـمـام الــورق ياالـلـي تجرلـحـون

تغانـم زمانـك بـيـن خـضـر البساتيـنـي

تراهالا ركبـة كـل جمـره علـى غليـون

وراد الله انه يصفـل المـا عـن الطينـي

مثل ماوطـى هامـان والاوطـى فرعـون

ثيـاب الـشـرف ماتسـتـر الاالشريفيـنـي

حشرنا الضبا بقرون ولا بـدون اقـرون

وراس الظبي يقـرب مـن النـار ويلينـي

والاجواد مدت للمواهب اكفوف العـون

وهـذي صفـات مـن صفـات الكريمينـي

والاقـزام تهـدم واهـل المعرفـه يبـنـون

صروح من الامجاد ماهـي مـن الطينـي

بنتها الكفوف اللي كرمها سحاب مزون

رمـوز العدالـه نصـرة الحـق والديـنـي

غضبهم وانا سلطـان يهتـز منـه الكـون

وكرمهـم تـربـع فـيـه حـتـى البعاريـنـي

اصـالـه عربـيـه وتاريـخـهـا مـصـيـون

عناويـنـهـا تــفــوق كــــل العـنـاويـنـي

جبال قممها فـوق والهـا حجـر وركـون

قمـمـهـا تشـرفـنـي ذراهــــا يـذريـنــي

عسى الله يهونها على الناس لين اتهون

تزيـن القرايـه فــوق روس المجانيـنـي

ضعاف العقول اللـي تهبـد علـى مالـون

عـلـى كــل مـلـواح تـهــز الجناحـيـنـي

ماتنضف يديهم لو تغسـل مـن الصابـون

كـثـر ماتـمـد يدينـهـا فــي المواعـيـنـي

يديـن عسـاهـا كــرم الله مــن يـوحـون

والا تـدري هـذي حطهـا بيـن قوسيـنـي

قبل لاتخيـب ظنـون والا تصيـب ظنـون

وذي عيـن تبكيلـي وذي عـيـن تبكيـنـي

عزفنا وترى مالـه علاقـه بنجـدي فـون

نـحـاول نـعــدل مـايــلات المـوازيـنـي

رساله وباقي سرها فـي الثـرى مدفـون

سـواة الامـانـه فــي وجـيـه المياميـنـي

ابداع القصيد ابـداع والاحتـراف فنـون

والابـداع فـي كــل المـجـالات يعنيـنـي

وشعـر الحـداثـه لامقـفـى ولا مــوزون

بــلا مـذهـب بـيــن ولا لـــه قوانـيـنـي

وعندي النهايه لعنـة الله علـى شـارون

عسى الله من اسرائيل ينصف فلسطيـن

قالـو شرالـه خـمـس مـيـه وستـيـن

مسكين قلت اللي على البـال كافـي

مدامـنـي فنـظـار الأقــزام مسكـيـن

هــذا دلـيـل إنــي عـزيـز و وافــي

نعـم شريـت البنزالأخضـر بتسعيـن

سمـتـه وتلـيـتـه بتسـعـيـن صـافــي

أبـيـه لاقـفـى مـــن الـلـيـل ثلـثـيـن

وأقفـت مدافـيـح النـجـوم المقـافـي

أنخاه والدمعه تحـت محجـر العيـن

نخـوة دريكـن ناخـيـن لــه سنـافـي

غيـرت لـه زيـتـه وعبـيـت بنـزيـن

وأستنشـق البنزيـن عقـب الوقـافـي

كنـه يصعـط مـن صعـوط المجانيـن

يرسـي ليـا جـا فالطريـق أنعطافـي

وأقفـا كمـا فرخـن كفـخ بالجناحيـن

نور الحسـا قدمـي وسلـوى خلافـي

منصـاه فــي نجدالعـذيـه سلاطـيـن

أهل موقفـن يـوم الحرايـب يشافـي

الآاد روق مرجـحـيـن الـمـوازيــن

شطرن ركب من قاف غيري وقافي

أقولـهـا هالحـيـن وأول وهالـحـيـن

غصبن على أهل النفوس الضعافـي

أنـا ولدهاجـر وخصمـي ولـد روق

حصـن تصاقـع والضمايـر نظيـفـه

لاحلق الجمهـور طـوق ورا طـوق

مثـل الضوامـي فـوق وادي حنيفـه

ولاأنت لاعاشـق ولاأنتـه بمعشـوق

ولالك مع أصحاب الوظايف وظيفه

وأنا كتبـت الشعرطـاروق طـاروق

وأحيان أوفـق فيـه وأحيـان أعيفـه

ولاعاد لـه معنـى ولاعـاد لـه ذوق

تقاسمـوه أهـل النـفـوس الضعيـفـه

طـاروق عانيـه وطـاروق مسـروق

وأقــرب قـنـاة فاشـلـه تستضـيـفـه

..a..

الصراحه مزعجه وأنا صريـح

تزعـلـك ماتـزعـلـك باقـولـهـا

شاعر موهوب ولساني فصيـح

وسابح عرض البحور وطولها

والافاعـي سمهـا يـنـذح نـذيـح

والعقـارب سمهـا فـي ذيولـهـا

ماعلى الدنيـا ضميـر مستريـح

كــل خـلـق الله تـهـن خيولـهـا

ذا يحـن وذا يـون وذا يصـيـح

وذا يخطـف راسهـا ورجولهـا

والشـعـر هذاقبـيـح وذا ملـيـح

وكلبـوهـا سـاريــن مفعـولـهـا

أجلدالقبيـح فـي وجــه القبـيـح

وقول وش رايك وقول أصولها

ولاتـدري مايصـح الاالصحيـح

خاطب العالم على قـد عقولهـا

مرحوم ياحـب ترعـرع بالأعمـاق

متـغـذي دم الـعـروق الصـخـافـي

فـي كـل عضـو لـه مقـر وميـثـاق

بين الضلـوع العـوج بيـن وخافـي

يروق مع روقه مزاجـي اليـا راق

ويحـس بـي اليـا لحقنـي أخـلافـي

ويحس بأشواقي اليا صرت مشتاق

قــدام يصـبـح فـالامـور اختـلافـي

واليـا هنـا علقتـهـا فــوق مـعـلاق

وسليـت سكـيـن الخيـانـه ياكـافـي

ودعتك النسنـاس يـاورد الأشـواق

كرامتـي تحكـم عـلـي بأنصـرافـي

قطفـت مـنـك مــا تهـيـا ومــا لاق

ورميـت بـاقـي ذكريـاتـك خـلافـي

لا دمعة طاحـت ولا خاطـر ضـاق

ماقول غير اللي على البـال كافـي

يكفي ثلاث سنسن مرت على ساق

عيـن فـراش لــك وعـيـن لحـافـي

واليوم فـي تسعـه وتسعيـن طقـاق

قلبي كـذا طبعـه اليـا عـاف عافـي

قصائد فيديو

albdo — Sat, 10 Jan 2009 23:36:37 +0000

. الطفل محمد الجبرين – شاعر المليون 3 -

. سعود الحافي – الجزء الثاني -

. سعود الحافي – شاعر المليون 3 – الرياض

. ابل عبدالله بن فهاد الفصام الدوسري

. طفل رائع جدا يرتل القران إستمع وقل ما شاء الله

. شابان يبكيان .. شتان بين الاثنان

. مشيحة ناقة ال بخيت النابت المري

. شاعر المليون 2 – الحلقه الثالثه – فليح الجبور الصخري

. ناصر الفراعنه -الحلقه 15 شاعر المليون 2 – تلاوة كاهن

. ناصر الفراعنه -شاعر المليون 2 – الحلقه 10- مقتطفات وشيلات

. ناصر الفراعنه – الحلقه 14 شاعر المليون 2 – دثريني يامنيره

. عبدالله بن عون – يا مل قلبٍ يسج وفيه دولاجه ( شيلة ابن رحمه)

. عبد الله بن عون العتيبي .. الابل الوضح .. مزاين عتيبه الهيلا

. :: رائعة الشاعر عبدالله بن عون – ياملّ قلبٍ ::

. عبد الله بن عون العتيبي .. القهوة .. رائعة لاتفوتكم

. ناصر الفراعنه-الحلقه 3 شاعر المليون – ناقتي ياناقتي

البدو تيوب

albdo — Fri, 09 Jan 2009 22:41:15 +0000

مقاطع الابل فيديو

http://www.video.albdoo.info/cat2-0.html

قصيد

albdo — Thu, 30 Oct 2008 21:37:00 +0000

المصدر

http://www.albdoo.com/vb/t26455.html

ليلة مطر ..

ليلة مطر شق الرعد جـو الانفـاس

وامطر جنون العاصفه مـن حروفـي

اعد واذكر ناس .. وانسى بعض ناس

اشباح ذكرى تسكن اطـلال شوفـي

كان الزمان لصادق الحـب نبـراس

وكان المكان اطهـر مكـان لوقوفـي

طفولتـي ياحلـم ياغربـة احسـاس

يابعد شـق بخنجـر البعـد جوفـي

اصرخ ولكن تحتضن صوتي اقـواس

وجمرة قلـم مرتـد تشعـل كفوفـي

كـل ماتكسـر للقلـم بيدرالـمـاس

حدر السنابل تورق اغصـان خوفـي

وكل ماخرج من معطف الليل نسناس

احاول اخـرج مـن ثنايـا ظروفـي

واكتب شعر تنزيل من وحي الانفاس

لعلهـا تقلـب حروفـي .. حروفـي

للشاعر / حميدي الثقفي

الصحاري ..

ياصاحبي وقـف لزيـف الصحـاري

وبشر هجير الشمس عن موعد السيل

حاول تغيـر فـي ملامـح نهـاري

واعط القمـر مفتـاح بوابـة الليـل

مدري لشنهو موعـدي وانتظـاري

مادامـت أيامـي قليلـة محاصـيـل

في داخلي نزعـة خفـوق انتحـاري

حلـم تكسـر فـي ثنايـا التفاصيـل

واثر انكسار الحلم يعنـي انكسـاري

بغيت اكمل وانكسـر فينـي الحيـل

للشاعر / حميدي الثقفي

اسوار الشموس ..

انا ماني بمن يقرا الصور حتـى ينـام اللـون

ولامن يهـدم اسوارالشمـوس ليبنـي ظلالـه

انا الليل البهيم اللي خرج من كاحل العرجـون

صباح اطراف اصابعكم تنـز بطينـة اطفالـه

جنوني حكمتي .. والحكمه اولها صلف بجنون

لذا صوتي رمـا دلـو الكـلام وقطّـع حبالـه

صحيح النار تاكلني .. ولكني عرفت اشلـون

اموت .. وكيف يختال الرمـاد بعـزة اشعالـه

وداعاً يالسيوف الطاعنه في جثـة المطعـون

وداعاً يالمرايا .. وجهى اول وآخـر اشكالـه

وداعاً للمكان المستوي فينـي وفيـه الكـون

هلا بك يامكان ٍ قبلـي اسمـك ماحـد ٍ قالـه

مخاليقه تعيش بدون اساميها عشـان آكـون

انا اول من يدق طبول عرس الشمس في رماله

للشاعر / حميدي الثقفي

سندباديـة ..

تعبت اراجيهم بما تخفـي الـروح

متشردٍ قطاع غـور الـدم الحـار

إما مسافر حامل أفكـاري جـروح

ولا مقيم وحامل جروحـي أفكـار

وتعارضت في سندباديـة البـوح

كينونـة الناسـك وبوذيـة النـار

السر مسودة تفاصيـل مفضـوح

والحال تضحك منّه أشباح الأقـدار

أحكي وكيف أحكي بما تخفي الروح

وانا يدي حمرا بلون الـدم الحـار

للشاعر / حميدي الثقفي

اروى .. وانا جرحي ثمل طين وتراب

قـاع ٍ خطـب ود الغيـوم ونفـاهـا

اروى . وتكسر ضحكتي دمعة اسباب

وكم فرحـة بعـت بكدرهـا صفاهـا

تبعثرت فـي ذاكـرة صيـف كـذاب

ادركـت باديهـا ولــذت بجفـاهـا

كلي رجا .. ومنادمـة ليـل وعتـاب

وجروح تركض عكس نقطة شفاهـا

اغمّض عيوني على بـرد الاهـداب

واتذكـر احضـان امنحتنـي دفاهـا

والليل درويش ٍ حمل رفض الابـواب

خبل ٍ شرب زيت الشمـوع وطفاهـا

وانا على جال السهـر ظـل وكتـاب

احـاول استرجـع لاولـى جفـاهـا

للشاعر / حميدي الثقفي

من قال مالك شي من فاقد الشـي

ماهو صحيح وفاقد الشي يعطيـه

مثل الشجر يعطي لنا بارد الفـي

يعطي الظلال ولاهب القيظ يكويـه

مثل القمر يعطي لنا برزخ الضـي

يعطي الضيا ومايندرى وش يغطيه

مثل العذاري تسقي النازح المـي

تسقي البعيـد ونخلهـا ماتسقيـه

مثل الطبيب اللي يداوي عن العي

لكـنّ ماهولاقـي احـدٍ يداويـه

عطيتك التحنان من خافـقٍ حـي

يعني عطيتك شي انا منحرم فيـه

أرويتك ابعضي وانا فاقـد الـري

مخفي ظماي وقلبي الحزن طاويه

لي في عيونك لاح مستقبلٍ جـي

حلمٍ بعيد ٍ .. ساهر الليل يرجيـه

للشاعر / حميدي الثقفي

صاح بي / صاحبي .. والليل عطر الكتابه

كيف نبنـي وطـن للمتعبيـن اغتـراب

كيف تطلـع يدينـك يارفيـق الصبابـه

وانت للتمر فـي شفتـك طعـم الغيـاب

قلت له : ظلك الناضـح بريـق ومهابـه

اطعن الظل واكتب مـن دمـاه الجـواب

من رقى نخلة الدفتـر وشـق السحابـه

تغسلـه باحتمـالات المطـر والـتـراب

كلما خـدرت صحـو السـؤال الاجابـه

سال قيض تشجر من عـروق السحـاب

فـوق نخـل جنـو طلعـه وخانواترابـه

وارتدوا فوق ثوب الطين .. طين الثياب

صبي الغيـم ياسلمـى لنـاس ٍ غلابـه

من عطشهم على الما يحلبـون السـراب

اظهري مثل نفحة برق .. والفجر غابـه

واختفي مثل ورده فـي ظنـون الكتـاب

غصنها يعزل الما من سـراب التشابـه

والنسانيس ترسم بـه نوافـذ .. وبـاب

للشاعر / حميدي الثقفي

مثل المطر ..

حبيبي مانت لي وحدي حبيب ولا حبيب الكل

كثير اللي يحب ويمتلـى ويفيـض فنجالـه

دخيلك لاتحاصرني حبيبي بين شمس وظـل

انا مثل المطر مثل القدر مثل الشعـر حالـه

انا مثل البحر قالت له امواجه تكلـم .. قـل

ولاقال البحر كل الكـلام اللـي علـى بالـه

انا اللي الف نجم ٍ اهتدابي والف نجم ٍضـل

سرى من شرفة الغيم البعيده ينفض ظلالـه

تقول امي وهبني شعري الخلاق عز وجـل

جمعت الها النجوم اف ثوبها وابتلت اسماله

احبك .. لاتصيرها علـى اوراقـي سـؤال

وحل دخيلك ياحبيبي من جواب الحب وسؤاله

اخاف اقولها ويجـف ورد ٍ بالظنـون ابتـل

وانا ماحب اكون الشاعر اللي يبكي اطلالـه

لو صرخت ..

لو صرخت. النار لاتحطب ضلوعـك

زادهـا وزنـادهـا مـنـي وفـيِّـه

وان صرخت.. النور لاتوقد شموعك

في عيوني من غبار الشمـس فيَّـه

وان صرخت.. الموت لاتنزف دموعك

مانـزف طاهـر كمـا دم الضحـيـه

ليه تبني فوق رعش احـلام جوعـك

عرش عـراف المسافـات القصيـه

وانت دايم سلمـك يرقـى طلوعـك

ماستـوى طينـك لتوطينـك هويـه

كل منفـي داخلـك ملفـي ربوعـك

وانقطاعاتـك لطاعـاتـك عصـيـه

اعص .. ولاّطيع عصيانك بطوعـك

لاتطفـي جمـرة آلمـا فـي يـديـه

هاك نار القلـب لاتحطـب ضلوعـك

تحطب ضلوعك ونـار القلـب حيـه

للشاعر / حميدي الثقفي

يامحرم على اوراقي حضور القصيـده

خيرة الله عليك اطلق رهينـة غيابـك

القوافي غدت مثل الخيـول الشريـده

وين ماتتجه يتبعـن وجهـة ركابـك

واحتبس منك دم المحبره في وريـده

شوف.. حتى القلم ماطاق قسوة عذابك

كيف اعاتبك كيف اعطيك فرصه جديده

انت شوهت مفهـوم العتـاب بعتابـك

كان لي فيك ياماكـان هقـوه بعيـده

يجذبنّي حبال الصيف واتبـع سرابـك

اتعبتنـي مسافـات الـدروب العنيـده

لازم اسألك واتحمـل فجيعـة جوابـك

قول مابيك والفرقـا طرقهـا عديـده

كان عندك شجاعة صدق تبرح جنابك

خذ معك كل شي غير القلم والقصيـده

مالها ذنـب تاخذهـا رهينـة غيابـك

للشاعر / حميدي الثقفي

انا دخيلك ..

دخيـل ركـض الوجـع والآه والضمـه

ومتابع الركض .. لاتكّلف علـى شانـي

خلاص مني ومنك الحـب فـي الذمـه

تضاعفت مـن جروحـك قـوة ايمانـي

محسوبك ان جيت وان ماجيـت ماهمـه

وش ياخذ الدمع من تغميضـة اجفانـي

انام وادخـل قميـص الليـل مـع كمـه

واخرج صلاة الفجر مـع كمـه الثانـي

اتنفـس الفجـر الاول عاقـد الهـمـه

واركض مع الناس .. والعن خيّر احزاني

كرامة النفس عندي فـوق فـي القمـه

وتثور من دونها .. نـاري ، ودخانـي

ذبحت خيل الهوى .. واسقيتهـا دمـه

خليتها غصب تحمل جثـة ( الجانـي )

ياحالمـه فـي دروب العشـق مهتمـه

عمري مهو لك رصيف احلام واشجاني

عمري قصيده ( رديـة حـال )منسمـه

مافينـي اوراق يامحبوبـة اغصـانـي

للشاعر / حميدي الثقفي

رفرفت ..

رفرفت فـي بالـي اوراق بيضـا مهملـه

واشتهى صمت ابيض الجوع تفاح الكـلام

مثل طفـل ٍ كـان يبنـي ويهـدم منزلـه

في هديل البحر واصطادتـه موجـة حمـام

جيـت لاسهـم ٍ تناسـى ولاجـرح ٍ دلـه

عن هوى اللي ينزعون الجروح من السهام

جيت للدنيا قمـر وجـه صوتـي حنظلـه

تحت جلدي ذاكرة خبت من رمل ..وعظـام

لي سما عالي وحفنة سديـم و.. وسنبلـه

سبحت فيهـا وغنـت عصافيـر الغمـام

كن من روّع ضبى خبـت دمـي واجفلـه

وارتبك في حانة الصيف طاروق الصـرام

كلمـا قربـت للـريـح نــار ٍمشعـلـه

فوق صدري زادني جمرها بـرد وسـلام

كيف خيلت آخـر الوقـت قـاع ٍ ممحلـه

كيف خيلـت آخـر القـاع وقـت ٍ للهدام

وش هو آخر دربنا .. آخر الـدرب اولـه

لاهمزنـا مهـرة الوقـت وانـزاح اللثـام

كـل درب ٍ تعرفـه حـاول انـك تجهلـه

الدروب لصمت وجهي .. مجاهيل وظـلام

للشاعر / حميدي الثقفي

ظنون الارصفه ..

اذكرومبتـل السكـوت اطفـاك واشعـلـك الـحـوار

ليلـة شـتـا فيـهـا تقاسمـنـا ظـنـون الأرصـفـه

قلـت انـك اطـول مايسـور قامتـك ظـل الـجـدار

قلـت انـك اجمـل ماتشـوهـك الحـيـاة المتـرفـه

قلـت ان اقـوى مانقيضـك غيـر هــذا الانكـسـار

فـي صوتـك الليلـه ولاهـو صوتـك اللـي بعـرفـه

خابرك تحكي عن خلاص الـورد واغصـان الحصـار

تلمـع تلاشـي تنبعـث مـن كـل شـي فـي اطرفـه

مسفر قم انفض ثرثـرة دفتـرك عـن صمـت الغبـار

حتـى تنامـى مـن فضـا الغبشـه عصافيـر احرفـه

وان كـان مـن غيـم الجبـل سيلـت بالـوادي نهـار

جب لي معك مـن سـدرة الـوادي هديـل .. ورفرفـه

اذكـر عـن الموتـى يجـي لاصـار للفـي انـحـدار

مـع لمـة الفيـه عـلـى بـالـك كــلام تسولـفـه

ماعـاد فـي قلبـي تشـب لدهشـة التخمـيـن نــار

صمت المدينـه فـي عيونـك ضـج رقـص وغطرفـه

اسمع دوي ريـح الجبـال اللـي لهـا بصـدري قـرار

يمـمـت لــك تيـارهـا يـجـرفـك ولاتـجـرفـه

تعبـت افتـش عـن ينابيـعـي وخطـواتـي بـحـار

تعبـت افتـش عـن سمـا حفنـة رمــال مجغـرفـه

ماخـتـرت اكــون مــن الـهــوى .. والـنــار

والطين اختيار ماخترت الم البحر دمع ٍ في عيوني واذرفه

ماخترت اغنـي موجـة اليامـاااال مـن لـول البحـار

لكنـي اخترتـك تقاسمـنـي ( ظـنـون الأرصـفـه )

للشاعر / حميدي الثقفي

آه يا قربك ..

آه يا قربـك ويـا بعـد المسافـة

اقرب مـن القـرب لكنـك بعيـد

أنت عمر صب في عمري جفافـه

نصف نار ونصفـه الثانـي جليـد

أنت نهر عندي استـودع ضفافـه

واعذابي لا افتكـرت إنـي وحيـد

حزني ابسقف المسا يأخـذ كثافـه

ويتصاعد صبـح دخـان وحديـد

وارتمي بيـن الحقيقـة والخرافـة

جوف صدري عذق وضلوعي جريد

افتـح الدفتـر ويصفعنـي غلافـه

ويتساقط كل ما بـه مـن قصيـد

وتختنق دمعه ويسقط حلـم تافـه

وارجع ارسم اكتب احلم من جديـد

آه يا قربـك ويـا بعـد المسافـة

اقرب مـن القـرب لكنـك بعيـد

للشاعر / حميدي الثقفي

نهاية مطاف ..

بس ماخذت من صمتي نهاية مطاف

دمي أخضر ..ورماي القفا مايصوب

ترعد اقلوبهم – لكن مطرها جفـاف

وش يميت القلوب الا جفاف القلوب

من يصدق ؟ نهر يغتال حلم الضفاف

بين جزر الشمال وبين مد الجنـوب

ماهقبت أن في عشق الرمال انحراف

لين خانتني الخطوة ..وخنت الدروب

بعدها صرت ” للصفين” معنى وقاف

وابتسامة على ثغر المواجع تـذوب

الاماني / سنابل ينتظرهـا القطـاف

والمواسم / تعاني جوع كل الشعوب